what is online money earning in telugu |
“ఆన్లైన్ మనీ ఎర్నింగ్” ఈ మాట చదివినా, విన్నా మనలో ఎదో తెలియని ఒక ఇంట్రెస్ట్. ఆన్లైన్ లో మనీ ఎర్న్ చేయడం ఎలా? అని గూగుల్లో సెర్చ్ చేయనివారు దాదాపుగా ఉండరు అని నా అభిప్రాయం. చాలా మందికి ఆన్లైన్ ద్వారా మనీ ఎర్న్ చేయవచ్చు అని తెలుసు కానీ ఎలాగో తెలియదు. చాలా మంది ఆన్లైన్ మనీ ఎర్నింగ్ అంటే డేటా ఎంట్రీ వంటి వర్కుల గురించి మాత్రమే ఆలోచిస్తారు. కానీ ఆన్లైన్ మనీ ఎర్నింగ్ అనే కాన్సెప్ట్ సముద్రమంత లోతుగా ఉంటుంది. ఈ ఆర్టికల్ లో దాని గురించి కొంత తెలుసుకుందాం.
Miku Telugu Chadavatam Rada? Don’t Worry. Click Here
రాజుకి కంప్యూటర్ పరిజ్ఞానం బాగా ఉంది. తన కుటుంబ కారణాల వల్ల ఇంటర్మీడియట్ మధ్యలోనే ఆపేసి జాబు చేయడం స్టార్ట్ చేసాడు. అతను ఒక షాపింగ్ మాల్ (బట్టల దుకాణం) లో కంప్యూటర్ ఆపరేటర్ గా జాయిన్ అయ్యాడు. అక్కడ అతనికి ఏ మాత్రం కొంచెం ఖాళి దొరికినా ఇంటర్నెట్ లో తనకి కావాల్సిన విషయాల పై అవగాహన పెంచుకునేవాడు. అలా ఒకరోజు అతను కొన్ని డేటా ఎంట్రీ వర్క్స్ ద్వారా ఆన్లైన్లో డబ్బు సంపదించుకోవచ్చు అని యాడ్స్ చూసాడు. ఆ తరువాత అతని మనసులో ఆ యాడ్స్ తో నిండిపాయింది.
వాటి గురించి తాను ఇంకా బాగా తెలుసుకోవాలి అని అనుకున్నాడు. ఎందుకంటే ఇలాంటి వాటి గురించి తను విన్నాడు. ఇవి చాలా శాతం మోసపూరితమైనవి అని తన అభిప్రాయం. తను బాగా సెర్చ్ చేసిన తరువాత కొన్ని వెబ్ సైట్స్ లో డేటా ఎంట్రీ వర్క్ గురించి చూసాడు. అయితే చాలా వెబ్ సైట్ లు రిజిస్ట్రేషన్ ఫీజులు వసూలు చేస్తున్నాయి. అవి ఎంత అంటే 1500 నుండి 5000 రూపాయల వరకూ ఉన్నాయి. అయితే రాజు జీతం కేవలం అయిదు వేల రూపాయలు. అంతే కాక రాజు వీటి మోసాల గురించి విని ఉన్నాడు. కాబట్టి రిస్క్ తీసుకోదలుచుకోలేదు. చివరికి ఒక వెబ్ సైట్ లో 600 రూపాయలు రిజిస్ట్రేషన్ ఫీజు పే చేసాడు. వాళ్లు ఒక సీడి ని కొరియర్ చేసారు. ఆనందంగా కొరియర్ అందుకున్న రాజు సీడి ఓపెన్ చేస్తే అందులో ఒక వర్డ్ డాక్యుమెంట్ ఉంది.
అందులో ఆన్లైన్ లో వర్క్ ఎలా చేయలి? ఏయే వర్కులు ఉంటాయి? ఏ ఏ వెబ్ సైట్స్ ద్వారా మనీ ఎర్న్ చేయవచ్చు? ఎర్న్ చేసిన డబ్బు మనం పొందటానికి paypal / payneer అకౌంట్స్ ఎలా క్రియేట్ చేయాలి? అని ఉంది. మొదట దాంట్లో ఉన్న విషయాల్ని జాగ్రత్తగా చదివి, వాటిని ఇంప్లెమెంట్ చేద్దాం అనుకున్నాడు రాజు. తీర అంత చదివినా తరువాత రాజు డేటా ఎంట్రీ వర్క్ చేద్దాం కదా అనుకుంది ! అందుకు వాళ్లు ఇచ్చిన వెబ్ సైట్ లింక్స్ ఒక్కొక్కటి ఓపెన్ చేయటం మొదలుపెట్టాడు. అన్ని వెబ్ సైట్స్, ప్రతీ వెబ్ సైట్ రిజిస్ట్రేషన్ ఫీజు కట్టమని అడుగుతున్నారు.
ఇది మనకి వర్కౌట్ కాదు అని అర్థం అయిన రాజు మిగిలిన మార్గాల గురించి ఆలోచించాడు. తరువాత టానికి కనిపించిన మార్గం CAPTCHA ఎంట్రీ. అయితే ఇది చాలా కష్టం, చాలా సమయం వృధా అవుతుంది. అందులో ఇచ్చిన వెబ్ సైట్లో ఒక దాంట్లో ఫ్రీగా రిజిస్టర్ అయ్యి వర్క్ స్టార్ట్ చేసాడు. ఆ తరువాత మొదలైంది అసలు కథ. 1500 CAPTCHA లు ఎంటర్ చేస్తే తనకి ఒక US డాలర్ వస్తుంది. కాబట్టి ఇది కూడా వర్కౌట్ కాలేదని దానిని వదిలేసి, ఈమెయిలు రీడింగ్ లింక్స్ లో రిజిస్టర్ అయ్యాడు. తరువాత దాని వల్ల కూడా ఎలాంటి ఉపయోగం లేదని తెలుసుకున్నాడు.
తరువాత కొంత కాలం వరకూ రాజు మళ్ళి ఇలాంటి ఆన్లైన్ ఎర్నింగ్ ప్రోగ్రామ్స్ కి దూరంగా వుండి, తను నేర్చుకున్న ఫోటోషాప్ డిజైనింగ్ పై ఇంట్రెస్ట్ పెట్టి తన స్కిల్స్ ని ఇంప్రూవ్ చేసుకున్నాడు. తరువాత అక్కడ జాబు మానేసి ఒక డిజైనింగ్ కంపనీలో డిజైనర్ గా జాయిన్ అయ్యాడు. అక్కడ వర్క్ చేస్తున్న సమయంలో అతనికి ఒక కంపెనీ డైరెక్టర్ పరిచయం అయ్యారు. అతనికి తను పర్సనల్ గా డిజైన్స్ చేస్తాను అని చెప్పి ఒకటి రెండు డిజైన్స్ చేసి ఇచ్చాడు. రాజు వర్క్ నచ్చిన అతను తన కంపెనీకి సంబంధించిన వర్క్స్ అన్ని రాజు చేత చేయించుకున్నాడు. రాజు తన జాబు చేసుకుంటూనే పార్ట్ టైం లాగా ఈ వర్క్స్ కూడా చేసుకునేవాడు. రాజు ఏ రోజు వాళ్ళ ఆఫీస్ కి వెళ్ళేవాడు కాదు, వాళ్లు రాజు వర్క్ చేసే కంపెనీ కి వచ్చేవాళ్ళు కాదు. కానీ వాళ్ల వర్క్ ఇన్ టైం లో అయిపోయేవి.
అందుకోసం రాజు టెక్నాలజీ ఉపయోగించుకునే వాడు. వాళ్ళకి ఎలాంటి డిజైన్స్ కావాలో వాళ్ళని వివరంగా అడిగి, డిజైన్ చేసి మెయిల్ చేసేవాడు. వాళ్లు, చిన్న, చిన్న మార్పులు, చేర్పులు లాంటివి ఉంటె ఫోన్ లో చేప్పేవాళ్ళు. ఈ విధంగా రాజు ఆన్లైన్ లో ఎర్నింగ్ చేయడం స్టార్ట్ చేసాడు. క్రమంగా అతను (కంపెనీ డైరెక్టర్) తనకి తెలిసిన వాళ్ళకి రిఫర్ చేస్తూ రాజుకి సహాయం చేస్తూ ఉండేవాడు. అలా కొంత కాలానికి తనకి ఆన్లైన్ ద్వారా వచ్చే వర్క్ (ఇన్కమ్ కూడా) పెరిగిపోయింది. జాబ్ మానేసి ఫుల్ టైం వర్క్ చేయడం మొదలుపెట్టాడు. తను ఒక బిజినెస్ స్టార్ట్ చేసి తనతో పాటుగా మరికొంత మందికి జాబు ఇవ్వగలిగాడు.
ఇక్కడ నేను చెప్పిన ఇన్సిడెంట్ లో రాజు ఆన్లైన్ మనీ ఎర్నింగ్ గురించి ఆలోచించి తన టైం, కొంత డబ్బు వేస్ట్ చేసుకున్నాడు. తరువాత తన స్కిల్స్ ని ఇంప్రూవ్ చేసుకున్నాక, తనకి ఒక అవకాశం వచ్చింది. దానిని తను సద్వినియోగం చేసుకున్నాడు, ఇక్కడ ఆన్లైన్ మనీ ఎర్నింగ్ అంటే ఒక విషయం గుర్తు పెట్టుకోవాలి. ఆన్లైన్ లో మనీ ఎర్న్ చేయడం అంటే చాలా తేలిక అనే విషయం పూర్తిగా తప్పు. “కష్టపడనిదే ఏది రాదు” కాబట్టి అలా వస్తుంది అంటే అక్కడ ఏదో మోసం ఉంది ఉండవచ్చు.
నా దృష్టిలో ఆన్లైన్ మనీ ఎర్నింగ్ అంటే టెక్నాలజీని ఉపయోగించుకుని మనం ఉన్న చోట ఉండి , కష్టపడి డబ్బు సంపాదించుకోవడం. అయితే ఇక్కడ మనకి కొంత వెసులుబాటు వుంటుంది. టైం కి రావాలి, గుడ్ మార్నింగ్ చెప్పాలి, ఇలాంటివి ఉండవు. ఒక క్లైంట్ కి వెబ్ సైట్ డిజైన్ చేసి, ఆన్లైన్ లో మన అకౌంట్ కి డబ్బులు వేయించుకుని, వర్క్ కంప్లీట్ చేయటం కూడా ఆన్లైన్ మనీ ఎర్నింగ్. ఒక లోగో డిజైన్ చేయడం, బ్లాగ్గింగ్ చేయటం ఇలాంటివి అన్ని కూడా ఆన్లైన్ మనీ ఎర్నింగ్ చేయవచ్చు. (ఇంకా ఉంది ……..)
What is Online Money Earning? ఆన్లైన్ మనీ ఎర్నింగ్ అంటే ఏమిటి? Part -2